انسحبنا أمام الأهلي عشان كان هيبقى عايز ينكد علينا.. أحمد مرتضى منصور يكشف كواليس نارية داخل الزمالك _ رياضة

شاهد المقال التالي من نبض الجديد .. انسحبنا أمام الأهلي عشان كان هيبقى عايز ينكد علينا.. أحمد مرتضى منصور يكشف كواليس نارية داخل الزمالك الإثنين 14 أبريل 2025 09 42 م كشف أحمد مرتضى منصور عضو مجلس إدارة نادي الزمالك السابق كواليس مثيرة في فترة الرئيس السابق للنادي المستشار مرتضى منصور.... والان إلى التفاصيل :

الإثنين 14/أبريل/2025 - 09:42 م

كشف أحمد مرتضى منصور عضو مجلس إدارة نادي الزمالك السابق كواليس مثيرة في فترة الرئيس السابق للنادي المستشار مرتضى منصور.

تصريحات أحمد مرتضى منصور

وقال أحمد مرتضى منصور في تصريحات إذاعية: المستشار تركي آل الشيخ قالي أنا عاوز علي جبر وأحمد الشناوي يروحوا الأهلي بانتقال مباشر من الزمالك، اتصدمت وقتها ومكنتش عارف أرد أقوله إيه، المهم قالي إن فيه شرط جزائي في عقد الشناوي بـ 600 ألف دولار وعلشان خاطر مرتضى منصور أنا هخليه مليون و200.. كلمت مرتضى منصور بقوله، راح قالي طيب أحمد الشناوي موافق؟ قولتله اه موافق، راح قالي خلاص خليه يمضي رغبة إنه عاوز يروح الأهلي وأنا هسيبه علشان خاطر المستشار تركي آل الشيخ.

وأضاف أحمد مرتضى منصور: واحنا بنجدد لـ طارق حامد مع نادي الزمالك العقد مثلا كان قيمته 20 مليون كان النادي بيدفع 10 والمستشار تركي آل الشيخ بيدفع 10 مليون ولكل سنة زيادة من المستشار تركي، فـ طارق مضى الساعة 2 بليل وقالي أنا عاوز الفلوس دلوقتي وكلمت مرتضى منصور قالي خليه يروح لـ المستشار تركي آل الشيخ الساحل وياخد منه جزء دلوقتي والباقي بعدين.

وأشار أحمد مرتضى منصور في تصريحاته: فكرة انسحاب الزمالك من مباراة الأهلي الشهيرة بتاعت الأتوبيس كانت فكرة الأستاذ مدحت العدل وأحمد عفيفي.

وأوضح: انسحبنا من مباراة الأهلي عشان كنا لسا واخدين بطولتين وراجعين هنلاعب الأهلي في الدوري، وهو هيبقى عاوز يكسبنا علشان ينكد علينا فرحة البطولتين، وكمان كان عندنا مباراة مهمة أمام الترجي في بطولة إفريقيا عاوزين نركز فيها.

وأكد أحمد مرتضى منصور في تصريحاته: لما روحت الفيفا علشان نسوي قضايا اللاعبين، قالولي في الفيفا نادي الزمالك سيء السمعة في الالتزامات المادية.

وأتم: مش فاهم يعني ايه جملة الزمالك أكبر قلعة رياضية في مصر.. أكبر في المساحة يعني؟ ولا أكبر بالبطولات ولا الجماهير؟.

اقرأ على الموقع الرسمي

شاهد انسحبنا أمام الأهلي عشان كان

كانت هذه تفاصيل انسحبنا أمام الأهلي عشان كان هيبقى عايز ينكد علينا.. أحمد مرتضى منصور يكشف كواليس نارية داخل الزمالك نتمنى بان نكون قد وفقنا بإعطائك التفاصيل والمعلومات الكامله .

و تَجْدَرُ الأشارة بأن المقال الأصلي قد تم نشرة ومتواجد على القاهرة 24 ونحيطكم علما بان قام فريق التحرير في نبض الجديد بالتاكد منه وربما تم التعديل فيه وربما قد يكون تم النقل بالكامل اوالاقتباس منه ويمكنك قراءة ومتابعة مستجدادت هذا الخبر او المقال من مصدره الاساسي.