بواسطة نبض مصر : في الخميس 2025/03/20 الساعة 07:16 ص بتوقيت مكة المكرمة شاهد منوعات "خايف وبعتذرلكم".. المخرج محمد سامي يُعلن اعتزاله! , خايف وبعتذرلكم المخرج محمد سامي يُعلن اعتزاله! لمياء علي... والان الى المزيد من نبض الجديد.
"خايف وبعتذرلكم".. المخرج محمد سامي يُعلن اعتزاله!
لمياء علي
الخميس 20/مارس/2025 - 06:08 ص
3/20/2025 6:08:21 AM
محمد سامي
فاجأ المخرج محمد سامي جمهوره، بإعلانه اعتزال إخراج الدراما التلفزيونية، مؤكداً أن هذا العام سيكون الأخير له في تقديم الأعمال الدرامية.
وكتب محمد سامي عبر موقع التواصل الاجتماعي فيسبوك: وداعًا الدراما التلفزيونية السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي 15 سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة.
وأضاف: وكان دايمًا الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور.
وتابع: يمكن المقربين ليا عارفين إني واخد القرار ده من فترة وهو إعتزال الإخراج التلفزيوني ولكن كنت بنتهي من إلتزامات موقعة مع شركات ونجوم والحمد لله إنتهيت منها وكان أخرها 2025.
وأردف: معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر علي الدوام هو الله وحده.
واستطرد: الحمدلله آخر عملين ليا إش إش وسيد الناس، حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي.
سامي واصل حديثه، مؤكدًا: بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلق استحسان الجمهور أو إعجابهم، في الآخر الفنان دايمًا بيجرب والفنون جنون زي ما بيقولوا.
وخلال رسالته، فجر سامي مفاجأة، قائلًا: ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد مالقيت نفسي بكبر وخايف يفوت العمر قبل ما أعمل حاجة نفسي فيها.
واختتم: مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضوا وعايز يجربها بس محتاج عيلة تسانده علي إتخاذ قراره، كل التوفيق لكل زمايلي وبحبكم وبشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة.
شاهد خايف وبعتذرلكم المخرج محمد
كانت هذه تفاصيل "خايف وبعتذرلكم".. المخرج محمد سامي يُعلن اعتزاله! نتمنى بان نكون قد وفقنا بإعطائك التفاصيل والمعلومات الكامله .
و تَجْدَرُ الأشارة بأن المقال الأصلي قد تم نشرة ومتواجد على وشوشة ونحيطكم علما بان قام فريق التحرير في نبض الجديد بالتاكد منه وربما تم التعديل فيه وربما قد يكون تم النقل بالكامل اوالاقتباس منه ويمكنك قراءة ومتابعة مستجدادت هذا الخبر او المقال من مصدره الاساسي.